12/12/2024
SANTA LUCIA, Dalaga at Martir
13 Disyembre, Paggunita
PANALANGIN KAY SANTA LUCIA
O Santa Lucia, na ang magandang pangalan ay nangangahulugang 'LIWANAG' sa pamamagitan ng liwanag ng pananampalataya na ipinagkaloob sa iyo ng Diyos, dagdagan at panatilihin mo ang Kanyang liwanag sa aking kaluluwa upang maiwasan ko ang kasamaan, maging masigasig sa paggawa ng kabutihan, at wala nang ibang labis na kasuklaman kaysa sa pagkabulag at kadiliman ng kasamaan at kasalanan. Tamuhin mo para sa akin, sa pamamagitan ng iyong panalangin sa Diyos, ang walang kapintasang paningin para sa aking mga mata at ang biyaya na gamitin ang mga ito para sa higit na ikararangal at ikaluluwalhati ng Diyos at ang kaligtasan ng mga kaluluwa.
Santa Lucia, birhen at martir, dinggin mo ang aking mga panalangin at tamuhin ang aking mga kahilingan. Amen!
Isinalin ni Bro. Vince “Toting” Salles
