12/07/2023
مقروض القيروان الأصيل
المقادير
1 كغ سميد
250 غ فارينة
500 غ تمر مطحون
200 غ جلجلان
1/2 كيس بيكاربوناتو
1/2 كيس خميرة كيميائيّة
250 غ سكر
1/2 ملعقة قهوة قهوة قرفة
1/2 ملعقة طعام مسحوق قشور برتقال ممزوج بقليل من الزّيت
1/2 ليمونة
1 لتر زيت
زيت
طريقة التحضير
تحضير الحشو:
نخلطو القرفة بقشور البرتقال مليح و نزيدو التمر المعجون و نخلطو المكونات مليح لين نتحصلو على عجينة و نقسّمها إلى كريات صغيرة الحجم ومتساوية و نخلها على جنب
تحضير العجين:
نخلطو في وعاؤ الفارينة، البيكاربوناتو والخميرة الكيميائيّة بلڨدا و نخلها على جانب و نفرغو السميد في صحفة كبيرة أخر ونصبو فوقها كأس زيت ساخن و نزيدو خليط الفارينة و نخلط المكونات متعنا و نصبو الماء بشوية بشوية مع مواصلة تخليط المكونات لين نتحصل على عجينة متماسكة و نقسمها لكريات متساوية الحجم و نخلها على جنب
تحضير الشحور:
نحطو كمية السكر في وعاء معدّ للطهي و نزيدو عصير نصف ليمونة و مقدار من الماء و نحطوه فوق النار لين يفوت درجة الغليان ويتبدل لون الشحور و يولي اللون الذهبي و نحيه من فوق النار و نخليه على جنب
تحضير المقروض:
نحل كرة العجين على بلصة مسطّحة على شكل مستطيل و ناخذو كرة الحشو ونشكلها في شكل إصبع و نحطها فوق قطعة العجين و يكون الحشو أقل عرضا من العجين و نلفوها لين بنغمس قالب المقروض على سطحه و نرفعوه و نقص لمقروض متاعك بإتباع الشكل و نصبو الزيت في مقلاة و نخليه لين يغلي و نرمي فيه المقروض متعك و نخرجو المقروض من القلي ونحطوه في الكسكاس باش يتناحا زيت و نحطوه في الشحور و نضمه في طبق التقديم ونرشّ عليه الجلجلان
و بعد كول صحة و بشفاء😋😋😋😋
نصيحة شاف امير
ردو بلكم تكلوه سخون
