14/08/2026
နောက်ဆုံးတော့လည်း ဘယ်မိန်းကလေးက ရုပ်ဘယ်လောက်ချောလို့၊ ဘာပညာတတ်လို့၊
ဘယ်အသိုင်းအဝိုင်းက ဆင်းသက်လာလို့ဆိုတာထက်
” သူ့ဘဝ တစ်လျှောက်မှာ ဘယ်လုပ်သင့်တဲ့အလုပ်ကိုလုပ်ခဲ့ပြီး၊ ရွေးသင့်တဲ့လမ်းတွေကို ရွေးခဲ့ပြီး . . . .
ကြံ့ကြံ့ခံ ရှင်သန်နိုင်ခဲ့တယ်ဆိုတာကပဲ
ပြောမပြတတ်အောင် ကြည့်ကောင်းသွားတာပဲ ”
အမျိုးသားတစ်ယောက်မှာလည်း ဘယ်နေရာ
စမတ်ကျလို့၊ ဘာအလုပ်ရှိလို့၊ ဘာပညာတတ်လို့ဆိုတာတွေထက်
” ဘာကို လုပ်သင့်တယ်၊ မသင့်ဘူး. . . .
တာဝန်ယူသင့်တယ်၊ မယူသင့်ဘူး. . . .
ကျူးလွန်သင့်တယ်၊ မကျူးလွန်သင့်ဘူးလို့ ပြတ်ပြတ်သားသားဆုံးဖြတ်ပြီး သတ္တိနဲ့သိက္ခာကို တွဲဖက်ထိန်းသိမ်းသွားနိုင်တဲ့ ယောကျာ်းမျိုးကပဲ အထင်ကြီး လေးစားစရာကောင်းတော့တာပဲ ”
ဘဝဟာ ဟန်ချက်ညီညီရှင်သန်နိုင်ပုံ
တော်တော်လေး အရေးကြီးပုံရတယ်။
ဒါကြောင့်လည်း. . . .” ငါဘယ်လို စိတ်ထရော်မာ
ရစရာတွေနဲ့ ကြုံခဲ့ဖူးသေးတာ ” လို့
လက်ရှိအချိန်မှာ တစ်ကြော့ပြန်ပြောနိုင်တဲ့သူတွေဆို အခုနောက်ပိုင်း မသနားပဲ ချီးကျူးငေးမောသလိုပြန်ကြည့်မိတာ။
ဘဝဟာ ရုပ်ပျက်ဆင်းပျက်ဖြစ်မသွားအောင် ကျော်ဖြတ်ရတာ ဘယ်လောက်ခက်ခဲလဲ ကိုယ်တိုင်လည်း သိဖူးတာမို့လို့လေ။
လူတွေဟာ တစ်ခါတစ်ခါ ” ဦးနှောက်နဲ့ နှလုံးသားကို လွန်ဆွဲရတိုင်း. . ....
ဦးနှောက်က အနိုင်ရခဲ့ပါပြီလို့ ပြန်ပြောနိုင်ဖို့
သေမလိုနေ့ရက်တွေထဲ မသေပဲနေခဲ့ရတာ အများကြီးပါပဲ ”
ဒါကြောင့်လည်း ကျော်ဖြတ်ပြီးတဲ့အချိန်ရောက်ရင်. . အများကြီး ပိုလှပြီး သစ်လွင်သွားတာဖြစ်မှာ။
ဘဝမှာ ရှင်သန်ရင့်ကျက်နိုင်ခြင်းထက် လူတွေနဲ့ပိုလိုက်ဖက်တဲ့အရာဆိုတာ ဘာမှမရှိပါဘူးကွယ်။
#နေမီကျော်
