16/09/2026
උපාධිධාරී කමද, මනුස්සකමද ලොකු? - පාරේ යන සාමාන්‍ය මිනිහෙකුගේ හැඬීම 💔
අද මම මේ සටහන ලියන්නේ හිතේ තියෙන ලොකු වේදනාවෙන් සහ කළකිරීමෙන්.
මම අමතර රැකියා කරන කෙනෙක් නෙවෙයි. මගේ දරු පවුල ජීවත් කරවන, දරුවෝ දෙන්නට කන්න දෙන්නේ මම දාඩිය මහන්සියෙන් දුවන ත්‍රීවීල් රථයෙන්. දවසක් උපාධියක් තියෙන, වැදගත් කියන තරුණ මහත්තයෙක්ගේ අතින් මගේ ත්‍රීවීල් එක අනතුරකට ලක් වුණා.
එදා ඒ මහත්තයා අපෙන් ඉල්ලුව එකම දේ, "අනේ පොලිසි යන්න එපා, මගේ වැරැද්ද මම පිළිගන්නවා, අපි මේක ගොඩින් විසඳගමු" කියලයි. රස්තියාදු වෙන්න තියෙන අකමැත්තටයි, හිත හොඳකමටයි, එකම රටේ ජීවත්වෙන මනුස්සයෝ කියන හැඟීමෙන් අපි පොලිසි නොගොස් හිත හොඳින් අයින් වුණා. ඒ අතරතුර එයා කොටස් වශයෙන් දෙපාරක් මුදල් ලබා දුන්නා.
නමුත් අද තත්වය මොකක්ද?
අපේ Full Insurance එකෙන් Windscreen එකට සල්ලි හම්බෙන්නේ නැහැ. වාහනේ හදන්න ගිය දවස් 14 මගේ රස්සාව නතර වුණා. ඒ දවස් 14ට මට ලැබෙන්න තිබුණු ආදායම නැති වුණා. මගේ දරුවෝ දෙන්නගේ බඩගින්න, ඒ දවස්වල පවුලේ වියදම් කවුද දරන්නේ?
මේ ප්‍රශ්න ගැන කතා කරන්න ගියාම, අද ඒ වැදගත් කියන උපාධිධාරී මහත්තයා කතා කරන්නේ සාමාන්‍ය මනුස්සයෙක්වත් කතා නොකරන පහත් විදිහට. දැන් කියනවා "පුළුවන් දෙයක් කරගන්න, නීතියට යන්න, එදා ඇයි නීතියට ගියේ නැත්තේ?" කියලා!
අපේ හිත හොඳකමට, මනුස්සකමට අපි නීතියට නොගිය එක අද අපිටම වැරැද්දක් වෙලා.
මට අහන්න තියෙන්නේ මෙච්චරයි:
* මේ රටේ ජීවත් වෙන්න අයිතිය තියෙන්නේ කොළ කැබැල්ලක උපාධියක් තියෙන අයට විතරද?
* සාමාන්‍ය ත්‍රීවීල් රථයකින්, කුලී වැඩකින් ජීවත් වෙන මනුස්සයාට තැනක් නැද්ද?
* කවුරු වුණත් එකම අම්මගෙන් නොවුණත්, අපි එකම ලෙයින් ඉපදුණු මිනිස්සු නෙවෙයිද?
අනතුරක් කරලා, මනුස්සකම ඉදිරියට දාලා බේරිලා, අන්තිමට අසරණ දරු පවුලක් අනාථ කරලා දාලා "නීතියට යන්න" කියන්න තරම් නීච වෙන්න පුළුවන්ද? ත්‍රීවීල් කාරයෝ, කුලී කාරයෝ කියලා මිනිස්සු දෙපැත්තකට බෙදලා, අසරණ වෙන මිනිහාව පාගලා දාපුවහම ඔක්කොම හරිද?
උපාධිය තියෙන්නේ ඔළුවට වෙන්න පුළුවන්, ඒත් ඊට කලින් මනුස්සකම හදවතේ තියෙන්න ඕනේ!
අපිට නීතියෙන් සාධාරණයක් වෙයිද නැද්ද මම දන්නේ නැහැ, ඒත් දෙයියන්ගේ නාමයෙන් මෙහෙම අසරණ මිනිසුන්ගේ බඩට ගහන්න එපා! 🙏
(මෙය සමාජයේ ඇස් ඇරීමට ෂෙයාර් (Share) කරන්න)
