08/12/2025
ඔබේ නමට මගේ නම හැර අන් කිසිඳු නමක් ගෑවෙනවට හෝ අකමැති වූ ඊර්ෂ්යාකාර පෙම්වතියක් ව මම ඔබ සමඟ කාලය ගෙවා ආවෙමි.
මා හැර අන් කෙල්ලක් ඔබ ජීවිතයට ළංවේ යැයි බියෙන් කඳුලු සෑලු බොළඳ පෙම්වතියක් ව මම ඔබ සමඟ කාලය ගෙවා ආවෙමි.
ඔබ කෙරේ අංශුමාත්රයක හෝ සැකයක් නොමැතිව ඔබ කෙරේ විශ්වාසයත් ආදරයත් ම පමණක් කැටුව මම ඔබ සමඟ කාලය ගෙවා ආවෙමි.
ඔබ පවා (ඇතැම්විට) නො හඳුනන ඒ බොළඳ ඊර්ෂ්යාකාර පෙම්වතිය දැන් අතීතයට භාරය.
කිසිදා නො වෙනස්වේයැයි නො බිඳේවියැයි සිතූ සිතුවිල්ල පවා වෙනස් කොට බිඳ දමා අප දෙදෙනා ද නො පැතූ මාවත්වල කැමැත්තෙන් හෝ අකමැත්තෙන් දැන් ඇවිද යමින් සිටින්නෙමු.
"...... මගේ ජීවිතේ මගේ හොඳම කාලේ මම ආදරේ කරපු මනුස්සයා හින්දා ... "
යැයි කියමින් ඔබව අන් කෙනෙක් කෙරේ රඳවා තබන්නට සිදු වේ යැයි මම කිසිඳු දිනක සරදමට හෝ නොපැතුවෙමි.
එනමුදු, ජීවිතේ හැටි එහෙමය!
අතීතය අප ගෙවා අහවරය. අනාගතය ගෙවන්නට ඔබට මට ඉදිරියෙන් මාවත් දෙකක් ය.
ඔබ වෙනුවෙන් අවැසි එකමෙක දෙයකි දැන් මට.
කොහේ කොහොම කොයිලෙසක කවුරුන් සමඟ ඔබ ජීවිතය බෙදාගත්තද, ඔබේ ඒ ජීවිතය ප්රේමය සුවය පමණක් ම පිරුණු නවාතැනක් වනු දැකීමය.
මා ළඟ නොවූ ඇය ළඟ වූ ඔබ සෙවූ වටිනා ම දෙය ඔබට රැකගන්නට ලැබේවායි පැතීමය.
ඒ අන්කිසිවක් නිසාවෙන් නොවේ.
"මගේ ජීවිතේ මගේ හොඳම කාලේ මම ආදරේ කරපු මනුස්සයා" ඔබ නිසාවෙනි.
- Feel you ••” 🥹❤️
