21/07/2026
ඇත්තටම මේක මට නිකන්ම නිකන් කේක් එකක් නෙමෙයි..❤
මේ කේක් එක පිටිපස්සේ ලොකු ආදරණීය කතාවක් හැංගිලා තියෙනවා. අද මේ කේක් එක හදපු තැනට එනකන් මම කරපු කැපකිරීම්, නිදිමරපු රැයවල්, ඒ හැමදේකම නියම ප්රතිඵලය අද මම විඳිනවා. මහන්සි වෙලා ලබාගත්ත ජයග්රහණයක තියෙන සතුට වෙන කිසිම දෙයකින් ලබාගන්න බැහැනේ..
හුගක් වෙලාවට සමාජ මතයක් තියෙනවා. අපි දෙයක් කරනකොට කකුලෙන් අදින්න ඉන්නේ අපි ළඟම ඉන්න අය කියලා.. අපි දියුණු වෙනවට ළඟ ඉන්න අය කැමති නැහැ කියලා. ඒත් මම නම් කියන්නේ මම මේ හීනය වෙනුවෙන් කැප වෙනකොට මට හදිවතින්ම ශක්තියක් වුනේ මගේ අතේ දුරින් මගේ ළගින්ම ඉදගන හිටපු මගේම යාලුවෝ. අපි අනිත් අයට දක්වන ආදරය, ගෞරවය සහ අපේ හදවතේ තියෙන නිහතමානීකම නිසා තමයි අපි ළඟම ඉන්න අය අපිට කොන්දේසි විරහිතව උදව් කරන්න පෙළඹෙන්නේ. ඉතින් ජයග්රහණයක් තනියම ලබනවාට වඩා තමන්ට ආදරය කරන අයත් එක්ක එකතු වෙලා දිනන එකේ තියෙන්නේ වෙනස්ම සතුටක්...
මුලින්ම පවුලේ අය වෙනුවෙන් හදපු කේක් වලින් පටන්ගත්ත ගමනින් තමයි අද මම දක්ෂ කේක් නිර්මාණකාරිනියක් බවට පත් වෙලා තියෙන්නේ.. හැම ලොකු ගමනකම ආරම්භය පටන් ගන්නේ කුඩාවට. ඒත් ආදරය කැපවීම තියෙනවා නම් ඒ ගමනට සීමාවක් නැහැ. එහෙම ආපු ගමනේ මං ගැන මගේ හැකියාව ගැන විශ්වාසය තියලා මට පළවෙනියටම ඕඩර් එකක් දුන්න මදුශානි අක්කේ ස්තූතියි ඔයාට, ඔයා තමයි මට මේ ගමනේ පළවෙනිම දොර ඇරලා දුන්නේ.
අපි අනිත් අයට හදවතින්ම හොඳක් කරද්දී, අනිත් අයගේ සතුට වෙනුවෙන් කැප වෙද්දී, ඒ ආශිර්වාදය අපිට කැරකෙන පාරවල් හිතා ගන්නවත් බැහැ. ඉතින් හිස් පොතක් අරගෙන ලස්සන පිට කවරයක් දාලා දවසක මේ පොත රූලෙන් රූල ඕඩර්ස් වලින් පිරෙයි කියලා මම ගැනම තියපු ඒ ආත්ම විශ්වාසය තමයි අද මාව මෙතනට අරන් ආවේ. තමන්ගේ හැකියාව ගැන තමන්ට තියෙන විශ්වාසය සහ කැපවීම එකතු වුන තැන පුංචිම හිස් පොතක් වුනත් මහා ලොකු ජයග්රහණ වලින් පිරෙන්න වැඩි කාලයක් යන්නේ නැහැ. අවුරුද්දක් වගේ පොඩි කාලයක් ඇතුළත 100 වෙනි කේක් ඕඩර් එක දක්වා ආපු මේ ගමන ගැන ඇත්තටම මට මහා ලොකු සතුටක් දැනෙනවා. හිස් පොතකින් පටන් අරන් අද 100 වෙනි ඕඩර් එක වෙනකන් ආපු ඒ ගමනේ තිබිච්ච කැපවීම්, නොනිදපු රැයවල් අවංකකම කොච්චරද කියලා දැනෙන්නේ මට විතරයි..
ඒ විදිහට ලැබෙන සියවෙනි කේක් ඕඩර් එක ෆ්රී දෙනවා කියලා යටි හිතේ තියාගෙන හිටපු ඒ අදහස අද මට කරන්න පුළුවන් වුනා.. ඉතින් මේ ඕඩර් එකත් අර මම කලින් කියපු මගේ ළගම ඉදපු , මගේ හොඳම යාලුවෙක්ගේ ඕඩර් එකක්. මේ මල්ලීගේ තුන්වෙනි කේක් ඕඩර් එක තමයි මගේ පොතේ සියවෙනි ඕඩර් එක විදිහට සටහන් වුණේ. අන්න ඒ නිසයි මේ කේක් එක මුලින්ම මම මට විශේෂ කේක් එකක් කියලා සඳහන් කළේ.
අපිට ලෝකෙම දිනන්න ලොකු බලයක් ඕනේ වෙන්නේ නැහැ. අපේ වැටීම් වලදී අල්ල ගන්න, අපේ පුංචි ජයග්රහණයකදී පවා අපටත් වඩා සතුටු වෙන්න, මේ වගේ ආදරණීයන් කීප දෙනෙක් ළඟින් හිටියාම හොඳටම ඇති.
අන්න ඒක නිසා මම ආයෙමත් කියන්නේ අපේ නිහතමානීකම සහ අවංකකම තියෙනවා නම් අපිට දිනන්න පාර හදලා දෙන්නේ අපේම අය.
Chanu happy cake ❤
