Sahani Cake Creation

12/06/2026

31/05/2026

ජනාධිපතිතුමනි, නෞකාව අධිකාරියට පත් කිරීමට පෙර නාවිකයන්ට සාධාරණයක් ඉටු කරන්න !

පසුගිය වසරෙහි ඇමරිකා එක්සත් ජනපදය විසින් ශ්‍රී ලංකාවට පරිත්‍යාග කරන ලද හතරවන වෙරළාරක්ෂක නෞකාව 210 මධ්‍යම ප්‍රමාණයේ වෙරළ ආරක්ෂක නෞකාවකි.2025 දෙසැම්බර් 2 වන දින නිල වශයෙන් මෙම නෞකාව ඇමරිකා එක්සත් ජනපදයේදී ශ්‍රී ලංකාව වෙත පරිත්‍යාග කරනු ලැබුවේය.

මෙම නෞකාව අධිකාරියට පත් කිරීම එළැඹෙන මස 4 වන දින ජනාධිපතිතුමාගේ ප්‍රධානත්වයෙන් සිදු කිරීමට සියලු කටයුතු සූදානම් කර ඇතත් බලධාරීන් විසින් මෙම නැව රැගෙන ඒමට ඇමරිකාවට ගිය නාවිකයන්ගේ කඳුළු කතාව ජනාධිපති ඇතුළු සැමගෙන් සඟවා ඇත.

නාවිකයන්ගේ කඳුළු කතාව....

උක්ත නෞකාව මෙරටට ගෙන ඒමට 2025 වසරේ නොවැම්බර් මස 25 වන දින ශ්‍රී ලංකා නාවික හමුදාවෙන් නිලධාරීන් ඇතුළු නාවිකයෝ 86 දෙනෙකු ඇමරිකා එක්සත් ජනපදය බලා ගුවන් මගින් පිටත්ව ගියහ.

සති තුනක කාල සීමාවක් සඳහා නාවිකයන් හට එතෙර දීමනා වශයෙන් ඇමරිකානු ඩොලර් 1200 මුදලක් ගෙවා තිබුණි. නමුත් ඇමරිකා එක්සත් ජනපදයේදී නෞකාවේ හටගත් කාර්මික දෝෂයක් හේතුකොට සියල්ලන් හට මාස තුනක කාලයක් එහි රැඳී සිටීමට සිදුවී ඇත.

#අනුරකුමාරදිසානායක ජනාධිපතිතුමනි ජීවන වියදම ඉහළ අගයක් ගන්නා ඇමරිකා එක්සත් ජනපදය වැනි රටක එපමණ කාලයක් රැඳී සිටීමට ඔවුනට එතෙර දීමනා වශයෙන් ඇමරිකානු ඩොලර් 4600 පමණ ගෙවිය යුතු අතර මේ දක්වා එම දීමනා කිසිත් ගෙවා නොතිබීම අතිශය කණගාටුදායකය.

ඔවුන් එසේ රැඳී සිටි කාලය අතරතුර ශ්‍රී ලංකාව මුහුණ දුන් දිට්වා සුළි කුණුවට තත්ත්වය හේතුකොට එම නාවිකයන්ගේ පවුල් වල අයවලුන්ද පීඩාකටපත්ව ඇති පසුබිමක සලාක දීමනාවක් හෝ දුෂ්කර දීමනාවක් නොමැතිව වැටුප හා සුළු දීමනා ප්‍රමාණයක් පමණක් ලබාදීම ප්‍රමාණවත් නොමැති බව පෙන්වා දීමට කැමැත්තෙමි.

පසුගිය මස අටවෙනි දින අතිශය දුෂ්කර ගමනකින් අනතුරුව ත්‍රිකුණාමල වරායට සේන්දුවූ නෞකාව එළැඹෙන හතරවෙනි දින කොළඹ නාවික තටාංගනයේදී අධිකාරියට පත් කිරීමට පෙර එම නෞකාවේද ,අධිකාරියේද ජනාධිපතිතුමාගේද ගරුත්වය ආරක්ෂා කරමින් එම අසරණ නාවිකයෝ 86 දෙනා හට හිමි එතෙර දීමනාව හරියාකාරව ලබාදීමට කටයුතු කරන මෙන් ඉල්ලා සිටිමි

ස්තුතියි
රවින්ද්‍ර මීගමාරච්චි ✍️