09/07/2024
අනේ බුදු සර් ,,,,,,,,
මට මගේ කොල්ලා දෙන්න
ඌට බෑ මං නැතුව ඉන්න
පුරුදු නෑනෙ ,,,,,,,ඒ හින්දම,,,,,,,
කොහොම හුරු වුනාද
මේ දහ ජරාවට
තාම දහ අටක්වත් නෑනේ ඌට ,,,,,
අයියෝ අර ගෑණි
මැරුණ එකමයි හොඳ
දකින්නට කලින් මේ අවනඩුව,,,,,
ගල් වැලි බදාම වලටම
දියවුනේ මම
උඹල දෙන්න හදන්නයි
නේද දිවා රෑ නොබලම,,,,,,
මගහැරුනෙ ඒකයි
හොයල බලන්නට වග තුග ,,,,,,
ඒ අවසරෙන්ම ලොකු එකිත්
ගියා හොර දීගෙක,,,,,,,,
ඉතුරු වුන උඹව මම
ලොකු මිනිහෙක් කරන්නට
බලාපොරොත්තු නම් කොච්චරද,,,,
මේ තාත්තගෙ ඔළුව උඩ
උඹ නේද මගෙ පුතේ
දහම් පාසලෙත් එක
කියපං කොහොමද පැටලුනේ
මේ ජරා පුරුද්දට,,,,,,,
බුලත් විටකට එහා
නොගිය මම
බලන්නෙ කොහොමද
කුඩුකාරයෙක් දිහා වගෙ උඹ ,,,,,,
සමාව දෙන්නම් ඇත්ත කියපං
මේ මහත්තුරුන්ට
මහ එකා කවුද
ඔය ගෙවන පව් වල ,,,,,,,,
අනේ සර්
ගහන්නෙපා කොල්ලට
පපුව රිදෙනවා
මැරෙයිද මන්දා මම ,,,,,,,
මේකා අහිංසකයි
රැවටුනාට ඔය
මට විශ්වාසයි දෙයියනේ
මේ අත් දෙකෙන්
හදපු කොල්ලව,,,,,,,,
ඉමල්ශා පීරිස් 💜️
නිර්මාණය ශෙයා කරලා ගන්න
කතෲ අයිතිය සුරකින්න 🙏
