Hestamannafélagið Funi

21/08/2026

Takið kvöldið frá, viljið ekki missa af þessu tjútti 🥳

24/07/2026

Flott námskeið framundan ❤️

24/07/2026

Flott hjá Viktor og Drottningu! Til hamingju 👏

Keppni á Íslandsmóti barna og unglinga hófst í dag á keppni í gæðingaskeiði í unglingaflokki og því fyrsti Íslandsmeistarinn á mótinu krýndur. Framundan er ...

19/07/2026

Takk fyrir samveruna kæra hestafólk 💚 Mikið var þetta vel heppnaður TREC dagur 🤠

07/07/2026

Meira af Landsmótsfréttum 🙂
Í dag áttum við fulltrúa í A flokki gæðinga
Stefán Birgi Stefánsson og Muninn frá Litla-Garði með einkunnina 8,26. Þökkum þeim félögum fyrir stórglæsilega sýningu.

Þá hafa fulltrúar Funa lokið keppni á LM 2026
Funi þakkar knöpum og aðstandendum þeirra fyrir þátttöku á LM og erum mjög stolt af okkar mögnuðu knöpum ❤️

05/07/2026

Fréttir af Landsmóti á Hólum í Hjaltadal
Funi átti 2 fulltrúa í barnaflokki
Ingimar og Dagur frá Syðra-Felli með 8,29
Rannveig og Þorri frá Bringu með 8,05

Einnig áttum við 2 fulltrúa í unglingaflokki sem var stærsti flokkurinn eða um 125 knapar
Viktor og Gæfa frá Dalsmynni með 8,33
Klara og Þór frá Bringu með 7,86

Flottar sýningar hjá þessum ungu og upprennandi knöpum
og stóðu okkar knapar sig mjög vel

26/06/2026

Þann 21. júní stóð skemmtinefnd Funa fyrir messureið að Möðruvallakirkju.
Lagt var af stað frá Melgerðismelum klukkan 20:00 og 45 mínútum síðar mættu 17 galvaskir knapar á Möðruvelli. Hestunum var komið fyrir í hólfi sem fjölskyldan á Hríshóli var svo vinsamleg að undirbúa fyrir gesti sem komu á fákum til messu.

Messan hófst rétt fyrir klukkan 21:00. Þar komu saman rúmlega 40 manns, á aldrinum 13 til rúmlega 70 ára, og nutu fallegs söngs Jódísa við undirleik Daníels á harmonikku ásamt hugljúfri og áhrifaríkri prédikun séra Jóhönnu.

Að messu lokinni var boðið upp á veitingar á nýsleginni flötinni fyrir framan kirkjuna. Veðrið lék við gesti; logn og sólskin sköpuðu notalega umgjörð um kvöldið. Samræður voru líflegar og stemningin góð allt þar til hið sígilda „Jæja“ heyrðist um klukkan 22:00 og knaparnir héldu af stað til baka í fallegri kvöldbirtunni.

Hugvekja séra Jóhönnu átti sannarlega erindi við hestafólkið sem tók þátt í þessari fallegu stund. Hestamennskan tengir saman kynslóðir, eflir samfélag og veitir bæði líkama og sál næringu.

Skemmtinefnd Funa þakkar öllum sem komu að kvöldinu fyrir ógleymanlega samveru og hlakkar til að skapa fleiri góðar minningar saman.

Meðfylgjandi eru myndir og myndbönd frá kvöldinu.

22/06/2026

Ferðanefnd hefur ákveðið að skella á legg fyrstu "ferð" sumarsins. Þar sem messureiðin gekk svo vel var ákveðið að hafa svipað skipulag.

Sunnudaginn nk. 28. Júní kl. 20. Mæting við hesthúsið á Melgerðismelum og riðinn skemmtilegur hringur þaðan.

Ferðanefnd

22/06/2026

Vegna afbókana í júlí eru lausar helgar!!!

Funaborg Melgerðismelar, 20 km sunnan við Akureyri
🌻 Hentar m.a fyrir ættarmót og brúðkaup
🌿 Hentar vinahópum og smærri hópum
⛺️ Stórt tjaldstæði með rafmagnstenglum
🏖 Sundlaug 15 km fjarlægð
💃🕺 Veislusalur
Beitarhólf fyrir hross í boði gegn gjaldi.

Upplýsingar og bókanir: Hafdís Dögg 8611348 eða [email protected]