Swayampakam

29/12/2024

ఈ రోజు స్వయంపాకం గ్రూపులో పుల్లగోంగూర మరియు ఉల్లిపాయతో రోటి పచ్చడి ఉలా చేసుకోవలో తెలుసుకోండి...

కావలసినవి.

పుల్లగోంగూర కట్టలు - 2.
ఆకును ఒలుచుకుని శుభ్రంగా నీటిలో కడుగుకోవాలి. ఆకును నీడలో ఒక వస్త్రము పై తడి లేకుండా నీడన ఒక అర గంట సేపు ఆర బెట్టు కోవాలి.

పచ్చిమిరపకాయలు - 6
తొడిమలు తీసుకోవాలి .

ఉల్లిపాయలు -2
పై తొక్క తీసుకుని ముక్కలుగా తరుగుకోవాలి.

నూనె - ఆరు స్పూన్లు
పసుపు - పావు స్పూను
ఉప్పు - తగినంత .

పోపునకు.

ఎండు మిరపకాయలు - 6
మెంతులు - అర స్పూను
ఆవాలు - ముప్పావు స్పూను
ఇంగువ - పావు స్పూను లో సగం.

తయారుచేయు విధానము.

ముందుగా స్టౌ మీద బాండీ పెట్టుకుని మూడు స్పూన్లు నూనెను వేసుకోవాలి. నూనె బాగా కాగగానే మెంతులు , ఆవాలు , ఇంగువ మరియు ఎండు మిరపకాయలు వేసుకుని పోపు వేయించుకోవాలి.
ఈ పోపును ఓ ప్లేటులోకి విడిగా తీసుకోవాలి .

తర్వాత తిరిగి స్టౌ మీద బాండీ పెట్టుకుని మిగిలిన మూడు స్పూన్లు నూనెను వేసుకోవాలి . నూనె బాగా కాగగానే గోంగూర ఆకును , పచ్చిమిరపకాయలు మరియు పావు స్పూను పసుపును వేసుకుని మూత పెట్టి ఆకును పది నిముషాల పాటు పూర్తిగా మగ్గ నివ్వాలి. ఆకు మగ్గగానే విడిగా ఓ ప్లేటులోకి తీసుకోవాలి .

తర్వాత రోటిలో ఎండు మిరపకాయలు , వేయించిన పోపును మరియు తగినంత ఉప్పును రోటిలో వేసుకుని పచ్చడి బండతో మెత్తగా దంపుకోవాలి. తర్వాత మగ్గించిన గోంగూర ఆకు మరియు పచ్చిమిరపకాయలు కూడా వేసుకుని పచ్చడి బండతో మెత్తగా నూరుకోవాలి.

చివరగా తరిగిన ఉల్లిపాయ ముక్కలను కూడా పచ్చడిలో వేసుకుని పచ్చడి బండతో పచ్చడిని మెత్తగా నూరుకోవాలి. తర్వాత నూరిన పచ్చడిని వేరే గిన్నెలోకి తీసుకోవాలి .

అంతే. భోజనములో వేడి వేడి అన్నంలో నెయ్యి వేసుకుని తినడానికి మరియు పెరుగు అన్నంలో నంచుకుని తినడానికి ఎంతో రుచిగా ఉండే గోంగూర ఉల్లిపాయ రోటి పచ్చడి సర్వింగ్ కు సిద్ధం.

#ఆలూరుకృష్ణప్రసాదు.

సంబంధించిన ర సమయమున తీసినది.

09/12/2024

చపాతీలు ఎలా కాల్చాలో సూడండి

09/12/2024

చపాతీలు ఎలా కాల్చలోచూపిస్తున్న లిటిల్ చైఫ్ ధార్మి.... సూడండి.. 🤣🤣🤣

08/12/2024

ఈ రోజు స్వయంపాకం పేజీ లో * #కొత్తిమీర_పుదీనా_పచ్చడి* అదిరిపోయే కాంబినేషన్, ఎలా తయారు చేయాలో తెలుసుకుందాం...

"కొత్తిమీర, పుదీనా పచ్చడి తయారుచేయడానికి కావాల్సిన పదార్థాలు"

"ఒక కట్ట ఫ్రెష్ పుదీనా ఆకులు
ఒక కట్ట కొత్తిమీర ఆకులు
ఒక అల్లం ముక్క
వేడినీళ్లలో నానబెట్టిన చింతపండు తగినంత
6 వెల్లుల్లి రెబ్బలు
ఎండు మిరపకాయలు 10 లేదా 15 "

కొత్తిమీర, పుదీనా పచ్చడిని ఇలా తయారుచేయాలి
పొయ్యి మీద బాణలి పెట్టి
1టేబుల్ స్పూన్ వేరుశనగపల్లి గానుగ పట్టిన ఆయిల్ (లేదా సన్ఫ్లవర్ ఆయిల్)
1 టేబుల్స్పూను పచ్చనగపప్పు,
1స్పూన్ జీలకర్ర,
రెండు టేబుల్ స్పూన్ల ధనియాలు,
ఒక పావు స్పూన్ మెంతులు ,
10 లేదా 15 ఎండు మిరపకాయలు వేసి ,
6 వెల్లుల్లి రెబ్బలు ,
అల్లం ముక్క, కొద్దిగా కరివేపాకు రెమ్మలు, వేసుకుని పొయ్యి మీద మీడియం సెగలో వేయించుకోవాలి, బాగా వేగిన తర్వాత ఒక ప్లేట్లోకి తీసుకోండి,

మరొకసారి పొయ్యి మీద బాణలి లో
2 స్పూన్ పల్లీనూనె వేసి ఆయిల్ వేడి అయిన తర్వాత బాగా కడిగిన పుదీనా కొత్తిమీర ఆకులు వేసి బాగా వేగిన్చుకోవాలి ,

తర్వాత ఒక మిక్సీలో ముందు ఫ్రై చేసిన దినుసులు ఎండు మిరపకాయలు వెల్లుల్లి రెబ్బల్ని మిక్సీ పట్టాలి తర్వాత దానిలో వేగించుకున్న పుదీనా కొత్తిమీర మిశ్రమాన్ని మిక్సీలో వేసి మెత్తగాపట్టి దానిలో తగినంత ఉప్పు మరియు వేడినీళ్లలోనానబెట్టిన చింతపండుని తగినంత వేసుకొని ఇంకోసారి మెత్తగా పట్టించుకోవాలి , పచ్చడి గట్టిగా ఉంటే కొంచెం వేడి నీరు కలపవచ్చు,
ఆఖరుగా పెనంలో 3 స్పూన్ల వేరుశనగఆయిల్ వేసి దానిలో తాలింపు పెట్టుకొని ,
కచ్చ పచ్చాగ ధంచిన 5 వెల్లుల్లి రెబ్బలు,ఒక చిటికెడు ఇంగువ, 2 విరిచిన ఎండు మిరపకాయలు, కొన్ని కరివేపాకు రెబ్బలు, వేగిన తర్వాత
మిక్సీలో వేసిన పచ్చడిని పెనంలో వేసి సన్నని ఫ్లేమ్ లో వుంచి పెట్టుకొని భాగా వేయించుకొన్న తర్వాత వేడి వేడి కొత్తిమీర పుదీనా పచ్చడి రెడీ, ఈ పచ్చడి 10 ,15 రోజులు నిల్వ ఉంటుంది.

06/12/2024

హిమాలయన్ సాల్ట్ అంటే ఏమిటీ..? ఇది ఆరోగ్యానికి మంచిదేనా? ఈ విషయాలను ఈ రోజు మన స్వయంపకం లో తెలుసుకుందాం..

https://www.facebook.com/100057416230729/posts/1061557742434757/?app=fbl

06/12/2024

హిమాలయన్ సాల్ట్ అంటే ఏమిటీ..? ఇది ఆరోగ్యానికి మంచిదేనా? ఈ విషయాలను ఈ రోజు మన స్వయంపకం లో తెలుసుకుందాం..

ఇటీవల సాధారణ ఉప్పు, సముద్ర ఉప్పుకు బదులుగా హిమాలయన్ సాల్ట్‌ను ఉపయోగించేవారి సంఖ్య పెరుగుతోంది. గులాబీ రంగు రాతి ఉప్పులా ఉండే ఈ ఉప్పును హిమాలయాల్లోని రాతి స్పటికాలతో ఈ ఉప్పును తయారు చేస్తారు. దీన్ని ‘పింక్ సాల్ట్’ అని కూడా పిలుస్తారు. ఇండియాతోపాటు పాకిస్థాన్‌లోని పలు ప్రాంతాల్లోనూ ఈ ఉప్పును ఉత్పత్తి చేస్తున్నారు. హిమాలయా పర్వతాల మొదట్లో ఉండే సహజ నిక్షేపాల నుంచి ఈ ఉప్పును తయారు చేస్తారు. సాధారణ ఉప్పులా కాకుండా.. ఇందులో సహజంగానే అయోడిన్ ఉంటుంది. ఇందులో ఉండే ఐరన్ ఆక్సైడ్ వల్ల ఈ ఉప్పు పింక్ కలర్‌లో ఉంటుంది. అయితే, ఇది చాలా అరుదుగా లభించే ఉప్పు. దాని వల్ల ఖరీదు కూడా చాలా ఎక్కువగానే ఉంటుంది. మరి, ఈ ఉప్పును తీసుకోవడం ఆరోగ్యానికి మంచిదేనా? రాతితో తయారయ్యే ఉప్పు.. సముద్రపు ఉప్పు కంటే సురక్షితమైనదా? ఈ ఉప్పు వల్ల కలిగే ఆరోగ్య ప్రయోజనాలేమిటీ తదితర వివరాలను ఇప్పుడు తెలుసుకుందాం.
హిమాలయన్ ఉప్పులో మినరల్స్ పుష్కలంగా ఉంటాయి. ఇంందులోని మెగ్నీషియం, పొటాషియం, కాల్షియం, జింక్ ఆరోగ్యానికి మేలు చేస్తాయి. ఎన్నో ఏళ్ల నుంచి ఉప్పును వంటకాల్లో వినియోగిస్తున్నారు. అప్పట్లో సముద్ర ప్రాంతంలో నివసించేవారికే ఉప్పును తయారు చేయడం సులభంగా ఉండేది. అయితే, సముద్ర తీరాలు లేని ప్రాంతాల్లో ఉప్పు లభించడం చాలా కష్టంగా ఉండేది. ఈ నేపథ్యంలో హిమాలయాల్లో రాళ్లకు అంటుకుని ఉండే స్పటికాలను కూడా ఉప్పుగా ఉపయోగించవచ్చని, అవి కూడా సాధారణ ఉప్పులా వంటకాల్లో కరుగుతాయని భావించి ఈ ఉప్పును వినియోగించడం మొదలుపెట్టారు. అయితే, ఇటీవల జరిగిన పరిశోధనల్లో ఆ ఉప్పులో పోషకాలు మెండుగా ఉన్నాయని తెలుసుకున్నారు. దీంతో ప్రజలు హిమాలయన్ ఉప్పు వినియోగానికి మొగ్గు చూపడం ప్రారంభించారు. సాధారణ ఉప్పును అతిగా తీసుకోవడం వల్ల బ్లడ్ ప్రెజర్, స్ట్రోక్, గుండె జబ్బులు ఏర్పడే ప్రమాదం ఉంది. అందుకే.. సాధారణ ఉప్పుకు ప్రత్యామ్నాయంగా హిమాలయన్ సాల్ట్‌ను ఉపయోగించడం మొదలుపెట్టారు. ఎందుకంటే శరీరం ఈ ఉప్పును అరిగించుకోడానికి పెద్దగా శ్రమించక్కర్లేదు.

04/12/2024

03/12/2024

ఈ రోజు స్వయంపాకం లో శర్కరా నుంచి షుగర్‌ అనే పేరు ఎలా వచ్చిందో తెలుసుకుందాం..

3000-4000 సంవత్సరాల క్రితం మన హిందూ పూర్వీకులు చెరకు రసం నుండి బెల్లాన్ని కనుగొన్నారు.

తర్వాత, 1వ శతాబ్దంలో, మన హిందూ పూర్వీకులు మొట్టమొదట సర్కార్య లేదా శక్కర్ తయారీ ప్రక్రియ మరియు సాంకేతికతను కనుగొన్నారు, దీనిని ఆధునిక యుగంలో షుగర్ అని పిలుస్తారు.

"చక్కెర" అనే పదం యొక్క ఉత్పన్నం లాటిన్ సుక్కరం నుండి వచ్చింది, ఇది పెర్షియన్ షకర్ / సంస్కృత పదం షకర నుండి వచ్చింది. సంస్కృత పదం "శర్కరా" అనేది స్ఫటికీకరించబడిన చక్కెరను సూచిస్తుంది మరియు పురాతన సింధు-సరస్వతి లోయ నాగరికత నుండి ఉద్భవించిందని నమ్ముతారు.

స్వతంత్ర ఉత్పత్తిగా చక్కెర మొదట భారతదేశంలో కనుగొనబడింది. ప్రాచీన భారతానికి సంబంధించిన సంస్కృత లిటరేచర్ 1500 మరియు 500 BC మధ్య కాలంలో వ్రాయబడిన డాక్యుమెంటేషన్‌. బెంగాల్ & భారతదేశంలో 'సాంప్రదాయ బ్రౌన్ చెరకు సాగు మరియు చక్కెర తయారీ విధానం" .

వ్యాపార వాణిజ్య విస్తరణ ద్వారా, వివిధ దేశాలలో సక్కర్ తయారు చేసే సాంకేతికత ప్రజాదరణ పొందింది
పార్షియాలో సక్కర్ షాకర్ అయ్యింది.
అరేబియాలో సక్కర్ షుక్కర్‌గా మారింది.
12వ శతాబ్దంలో ఫ్రాన్స్‌లో చేరిన ఈ సక్కర్ సుక్రేగా మారి ఆంగ్లంలో షుగర్‌గా మారింది.

కానీ మన పూర్వీకులు సక్కర్ (బెల్లం)ని బ్రౌన్ కలర్‌లో తయారు చేశారు, కానీ ఆధునికంగా అది రంగును మార్చి చిన్ని అని పిలుస్తారు.

భారతీయ శక్కర్ వాణిజ్యం ద్వారా చైనాకు చేరుకున్నప్పుడు, చైనీస్ చక్రవర్తి దానిని చూసి ఆశ్చర్యపోయాడు మరియు భారతీయ నుండి చైనాకు శక్కర్ తయారు చేసే సాంకేతికతను తీసుకురావడానికి రెండు మిషన్లను పంపాడు.

6 వ శతాబ్దం నాటికి చైనీస్ సన్యాసులు చక్కెర తయారీ ప్రక్రియను భారతదేశం నుండి చైనాకు తీసుకువెళ్లారు. అయితే చైనీయులు ఈ పద్ధతిని మెరుగుపరిచారు మరియు దానిని మరింత మెరుగుపరిచారు, ఇది తెల్ల చక్కెర ఉత్పత్తికి దారితీసింది.

తెల్ల చక్కెరను వాణిజ్యం ద్వారా భారతదేశానికి తిరిగి తీసుకువచ్చినప్పుడు, చైనా అనే పదానికి సంబంధించి దీనిని చిన్ని అని పిలుస్తారు.
ఆ సమయంలో తెల్ల చక్కెర ఒక విలాసవంతమైన వస్తువుగా పరిగణించబడింది, కానీ 18వ శతాబ్దం నాటికి, చక్కెర చాలా చౌకైన ఉత్పత్తిగా మారింది మరియు భారతీయులు తెల్ల చక్కెరను ఎక్కువగా ఇష్టపడటం ప్రారంభించారు.

03/12/2024

ఈ రోజు స్వయపాకం పేజీ లో చలికాలం వచ్చిందంటే చాలు ఇమ్యూనిటీ స్థాయిలు తగ్గిపోతాయి. ముఖ్యంగా సీజనల్‌ వ్యాధులు చుట్టుముడతాయి. అందుకే ఈ సీజన్‌లో ఇమ్యూనిటీ పెంచే ఆహారాలు తీసుకోవాలి. తద్వారా ఎలాంటి రోగాలతో అయినా పోరాడే సామర్థ్యం లభిస్తుంది. ఏ సీజన్‌లో అయినా మనం తీసుకునే ఆహారాల్లో విటమిన్స్‌, మినరల్స్‌, ఫైబర్‌ పుష్కలంగా ఉండేవి తినాలి. అయితే, చలికాలంలో మన జీర్ణక్రియ మందగిస్తుంది కాబట్టి సులభంగా జీర్ణం అయ్యే ఆహారాలు ప్రాధాన్యత ఇవ్వాలి. ఈరోజు అలాంటి ఆహారలు ఏంటో తెలుసుకుందాం

పాలకూర..
పాలకూర చలికాలంలో తీసుకోవడం వల్ల శరీర ఆరోగ్యం బాగుంటుంది పాలకూరలో ఖనిజాలు పుష్కలంగా ఉంటాయి ఇది మంచి సూపర్ ఫుడ్ పాలకూరతో వివిధ కూరలు సలాడ్ రూపంలో తీసుకోవచ్చు..

మెంతి ఆకులు...
మెంతి ఆకుల్లో కూడా ఆరోగ్య ప్రయోజనాలు పుష్కలం. ఇది జీర్ణక్రియను వేగవంతం చేస్తుంది. రక్తంలో చక్కెర లెవెల్స్ ని అదుపులో ఉంచుతుంది...ఈ ఆకులను కూరలాగా తీసుకోవచ్చు లేకపోతే చపాతీలో కూడా కలుపుకొని తీసుకోవచ్చు.

క్యారెట్లు..
క్యారెట్లు డైట్లో చేర్చుకోవడం వల్ల విటమిన్ ఏ అందుతుంది. ఇది మన కంటికి ఇమ్యూనిటీ వ్యవస్థను బలపరుస్తుంది.. క్యారెట్ చలికాలం తప్పకుండా తీసుకోవాలి. ఇది మంచి సూపర్ ఫుడ్. క్యారెట్ తీసుకో జ్యూస్ రూపంలో తీసుకోవచ్చు. వంటల్లో కూడా వినియోగించవచ్చు

క్యాలీఫ్లవర్..
క్యాలీఫ్లవర్ లో కూడా పోషకాలు పుష్కలంగా ఉంటాయి. ముఖ్యంగా చలికాలం తీసుకోవడం వల్ల సీజనల్ జబ్బులు మీ దరి చేరకుండా ఉంటాయి... క్యాలీఫ్లవర్ తో వివిధ వంటకాలు తీసుకోవచ్చు. ముఖ్యంగా ఉడికించి తీసుకోవాలి.

గ్రీన్ పీస్...
గ్రీన్ పీస్ లో కూడా పోషకాలు పుష్కలం. గ్రీన్‌ పీస్‌లో ఇమ్యూనిటీ గుణాలు ఉంటాయి.అంతేకాదు ఇందులో ఖనిజాలు కూడా పుష్కలం గ్రీన్ పీసిన వంటల్లో వినియోగించవచ్చు.. నేరుగా సలాడ్‌ రూపంలో కూడా తీసుకోవచ్చు.. గ్రీన్ పీస్ లో రెండు రకాలు కూడా ఉంటాయి. ఫ్రోజెన్‌ గ్రీన్‌ పీస్‌ ఎక్కువ కాలం పాటు నిల్వ ఉంటాయి. అవి ఆరోగ్యానికి మేలు చేస్తాయి.

బీట్రూట్..
బీట్రూట్ కూడా మంచిది. ఇది మంచి శరీర ఆరోగ్యానికి తోడ్పడుతుంది. బీట్రూట్ జ్యూస్ రూపంలో తీసుకోవచ్చు, సలాడ్ల కూడా తినవచ్చు.. బీట్రూట్ జ్యూస్ తీసుకోవడం వల్ల ఆరోగ్యానికి కాదు అందానికి మేలు చేస్తుంది..

చలికాలం మీ డైట్ లో ఈ కూరగాయలను చేర్చుకోవడం వల్ల ఎన్నో ఆరోగ్య ప్రయోజనాలు కలుగుతాయి.
#

30/11/2024

మాడుగుల హల్వా:
ఈ రోజు విశాఖపట్నం జిల్లాకు చెందిన మాడుగుల హల్వా ఎలా తయారుచేసుకోవాలో తెలుసుకోండి...!

కాకినాడ కాజాకు, బందరు లడ్డూకు.. ఆత్రేయపురం పూతరేకులకు.. ఇలా ఒక్కో ప్రాంతానికి ఒక్కో మధురమైన ప్రత్యేకత ఉంటుంది. ఈ వరుసలోనే విశాఖ జిల్లా పేరు చెబితే అందరికీ గుర్తొచ్చేది నోరూరించే మాడుగుల హల్వా. పేరులోనే కాదు రుచిలో కూడా దీనికి సాటి మరొకటి లేదని చెప్పక తప్పదు. ఒక సామాన్య మిఠాయి వ్యాపారి ఇంట్లో 130ఏళ్ల క్రితం పుట్టిన ఈ హల్వా ఖ్యాతి ఇప్పుడు ఖండాంతరాలు వ్యాపించింది.

మాడుగుల హల్వా తయారీ విధానం:
మంచి రకం గోధుమలను మూడు రోజుల పాటు నానబెట్టి, రుబ్బి, గోధుమ పాలు తీస్తారు.

ఆ పాలను ఒక రోజు పులియబెట్టి ఆ తర్వాత పెద్ద పాత్రలో పోస్తారు. నెయ్యి, బెల్లం జత చేసి, మంట మీద ఉంచి, పాలు బాగా మరిగి దగ్గర పడేవరకు కలిపి దింపేస్తారు.

జీడి పప్పు, బాదం పప్పులతో అలంకరిస్తారు.
హల్వా తయారీ వినడానికి, చూడటానికి సులువుగానే అనిపిస్తుంది కానీ, పాకం వచ్చిందో లేదో తెలుసుకోవడం కొద్దిగా కష్టమే.

గోధుమలను రోటిలో రుబ్బడంలో నైపుణ్యం ప్రదర్శించడం, రుబ్బిన పాలను ఇనుప కళాయిలో వేసి, పాకం వచ్చే వరకు అదే వేడిలో మరగ పెట్టి హల్వా పాకం తయారు చేయడం మాడుగుల హల్వాకు రుచి రావడానికి కారణాలు...

29/11/2024

ఈ రోజు స్వయంపాకం పేజీ లో ఇంట్లోనే రుచిగా సూచిగా వుండే ఈ నాటి మగువలకు ఎంతో ఇష్టమైన పానీపూరి ఎలా తయారుచేసుకోవాలో తెలుసుకుందాం..
పానీపూరి లో ముందుగా పానీ ని ఎలా తయారుచేస్తారో చూదాం...

పానికి కావలసినవి

గ్రీన్ పీస్ - 1 కప్పు;
ఆలుగడ్డ - 1;
చింతపండుగుజ్జు - 1 టీస్పూను;
కారం - 1 టీస్పూను;
ఉప్పు -తగినంత;
ఛాట్ మసాలా - అరటీస్పూను;
కొత్తిమీర - 1 కట్ట

తయారి:
1. గ్రీన్‌పీస్, ఆలుగడ్డ ఉడికించాలి. వీటిని మెత్తగా చేసి కారం, ఉప్పు, ఛాట్‌మసాలా కొత్తిమీర కలిపి వుంచుకోవాలి.
2. ఒక గ్లాస్ నీళ్లు తీసుకుని చింతపండు గుజ్జు పావు టీస్పూను కారం, ఉప్పు చిటికెడు కలుపుకోవాలి.
3. పూరీని మధ్యలో నొక్కితే గుంట పడుతుంది. అందులో కొద్దిగా గ్రీన్ పీస్ మిశ్రమం పెట్టి తయారుచేసి వుంచుకున్న నీటిలో ముంచి తీసుకోవాలి.

పూరీ తయారి:

కావలసినవి:
బొంబాయి రవ్వ - 1 కప్పు,
గోధుమపిండి - 2 టీస్పూన్లు,
మైదా - 2 టీస్పూన్లు,
నూనె - వేయించేందుకు తగినంత,
ఉప్పు - చిటికెడు

తయారి:
1. బొంబాయి రవ్వ, గోధుమపిండి, మైదాలో 2 టీస్పూన్లు నూనెవేసి బాగా కలుపుకోవాలి.
2. చిన్న ముద్దతీసుకుని చిన్న పూరీ చేసి నూనెలో వేసుకోవాలి. వీటిని ఎర్రగా వేయించి తీయాలి.
3. ఇవి వారం పాటు నిలవ ఉంటాయి. వీటిని పానిపూరీకి, దహీ పూరీకి వాడుకోవచ్చు.

మనం ఇంట్లోనే శుచిగా రుచిగా ఉంటే పానీపూరి ని తయారుచేసుకోండి.. ゚ Swayampakam

27/11/2024

తెలుగు వాళ్ళు కార్తీకమాసం వచ్చింది అంటే చాలు.. ప్రతి ఇంట్లో ఉసిరికాయ నిల్వ పచ్చడి పెడుతూ వుంటారు
ఈ సారి ఉసిరికాయలలో గింజలు తీసేసి పచ్చడి ఎలా చేసుకోవాలో ఈ ఈ రోజు మన స్వయంపకం లో తెలుసుకుందాం...

ఉసిరి పచ్చడి కి కావలసినవి:

ఉసిరికాయలు - పావు కేజీ
పసుపు - టీ స్పూను
ఉప్పు - తగినంత
పచ్చిమిర్చి - 5
ఎండుమిర్చి - 5
కొత్తిమీర - ఒక కట్ట
ఇంగువ - పావు టీ స్పూను
నిమ్మకాయ - సగం చెక్క
ఆవాలు - టీ స్పూను
మెంతులు - టీ స్పూను
జీలకర్ర - టీ స్పూను, నూనె - తగినంత

తయారి:
1. ముందుగా ఉసిరికాయలను చిన్నచిన్న ముక్కలు చేసుకోవాలి. తరిగేటప్పుడు గింజలు తీసేయాలి.
2. అందులో పసుపు వేసి బాగా కలిపి రెండు రోజులు గట్టి మూత ఉన్న సీసాలో ఉంచేయాలి.
3. మూడవ రోజు వాటిని తీసి మెత్తగా చేసి అందులో ఉప్పు వేసి మిక్సీలో గ్రైండ్ చేయాలి.
4. బాణలిలో రెండు టీ స్పూన్ల నూనె కాగిన తరవాత ఎండుమిర్చి, పచ్చిమిర్చి, ఆ
వాలు, జీలకర్ర, మెంతులు వేసి వేయించి, చల్లారాక గ్రైండ్ చేయాలి.
5. ఉసిరిముద్దలో ఈ పొడి, నిమ్మరసం, ఇంగువ వేసి బాగా కలిపి కొత్తిమీరతో గార్నిష్ చేయాలి.

ఈ సారి మీరు గింజలు లేకుండా ఉసిరికాయ పెట్టి టేస్ట్ చేయండి