22/02/2016
നാഗ്ജി കപ്പിന്റെ ഫൈനലിസ്റ്റുകളായ അത്ലറ്റിക്കോ പരാനസിനും ഡിനിപ്രോ എഫ്.സിക്കും പി.കെ ഗ്രൂപ്പിന്റെ ഊഷ്മള സ്വീകരണം. പി.കെ ഗ്രൂപ്പ് ഫാക്ടറി ഓഡിറ്റോറിയത്തില് വച്ചാണ് ടീം അംഗങ്ങള്ക്കും ഒഫീഷ്യല്സിനും സ്വീകരണം നല്കിയത്. പരാനസ് കോച്ച് മാര്സലോ വില്ഹേനയുടെയും ഡിനിപ്രോ കോച്ച് ദിമിത്രി മൈക്കലാങ്കോ എന്നിവരുടെ നേതൃത്വത്തിലാണ് താരങ്ങള് ഓഡിറ്റോറിയത്തിലെത്തിയത്. പി.കെ ഗ്രുപ്പ് ചെയര്മാന് പി.കെ അഹമ്മദിന്റെ അദ്ധ്യക്ഷതയില് നടന്ന ചടങ്ങില് വച്ച് താരങ്ങളെ പൂക്കള് നല്കി സ്വീകരിച്ചു. പി.കെ ഗ്രൂപ്പ് ഡയറക്ടര് കെ.ഇ ഷാനവാസ് സ്വാഗതം പറഞ്ഞു. പി.കെ ഹാഷിം ആശംസകള് അര്പ്പിച്ചു.
ഓഡിറ്റോറിയത്തിലെ സ്വീകരണത്തിനു ശേഷം താരങ്ങള് പി.കെ അഹമ്മദിന്റെയും കെ.ഇ ഷാനവാസിന്റെയും കോച്ചുമാരുടെയും നേതൃത്വത്തില് കാലിക്കറ്റ് ഇസ്ലാം കള്ച്ചറല് സൊസൈറ്റി അനാഥ മന്ദിരം സന്ദര്ശിച്ചു. അര മണിക്കൂറോളം ഇവിടെ ചിലവഴിച്ച് അന്തേവാസികളോട് കുശലം പറഞ്ഞും സുഖ വിവരമന്വേഷിച്ചും അവരുടെ കഴിവുകളെ പ്രോത്സാഹിപ്പിച്ചുമാണ് പരാനസ്, ഡിനിപ്രോ താരങ്ങള് മടങ്ങിയത്.
