一釋尚存｜𝟏 𝐑𝐞𝐥𝐞𝐚𝐬𝐞𝐝

21/03/2023

【招畫】

有藝術家想「收」一大堆在囚人士畫出嚟嘅畫/書法/藝術創作，每個人不多於五幅。
希望有意出讓嘅在囚人士代表/釋囚人士pm小編🙏🏻 跪求大家一齊揾到50人，如果多過50人希望夠空間盡收🙌🏻

多多堅持地支持同廣傳，希望世界因而更美好🌏

⛓⛓⛓⛓⛓⛓⛓⛓⛓⛓⛓⛓⛓⛓⛓⛓⛓
——【一釋尚存，同舟共濟】
#文創師召集

25/12/2022

【平安走落去】
既然喺入面都可以寄出色彩繽紛嘅希望
我哋冇藉口唔同佢哋一齊行。

大家可以埋首生活
只係要記住，有一班人為香港仲係度掙扎緊。

佢可能唔係你親友
但佢可能仲為緊你嘅未來奮鬥

有緣人睇到呢個post，
希望你都保持心中嘅火
係寒流中stay warm 🫂

17/02/2022

【阮民安最新消息】
今日下午2:30 西九過堂。

轉自相關朋友

#無論你對佢反唔反感佢都係政治犯

16/02/2022

【阮民安最新消息】

人在沙田警署，而家落緊口供
有義務律師協助中

📣請大家繼續關注事件

(轉載自相關人士)

13/12/2021

【貓 📻(收音機)】
係入面最大既娛樂除左平常睇書，整嘢食，就一定係聽貓。

所以貓真係一樣好重要既存在，當然啦因為都需要電先可以用得到，所以電池都係一個頗高價值既交易媒介，除左家屬入電池之外，都可以用自己份人工去買既。

入面最多人聽既，都一定係聽歌台，大家腦海中都會有一個時間表，幾時咩台有歌聽。除左咁之外，大家仲會一路聽歌一路寫歌詞，傳比唔同既人睇到底有咩歌好聽，如果大家都識唱就會一齊唱啦，但想要聽人唱，都可以憑你地交情叫佢唱黎聽下既，係日積月累既訓練之下，有啲人其實真係唱得幾好聽。不妨留意下大家既歌喉啦。

咁有一次既事例，因為除左可以自己私人管有既貓之外，都有大衛貓既(即係公開廣播，你可以當係係課室聽人播國歌咁)咁每個倉係特定時段都會有得聽既。

咁個日咁好彩，就係播大家都認識又一定識唱既那些年，係啦，無錯，就係「那些年錯過的大雨，那些年錯過的愛情.......」然後，大家就一齊聽住電台一齊唱，咁諗可能覺得冇咩嘢，但試諗下，百幾個男仔，一齊唱住那些年，其實都幾有另一番風味，嘿。

有啲人話，有酒有心事，我諗係入面就係有歌有心事，憑藉我認知既歌，我諗都勾起大家好多既回憶，聽下大家既戀愛史，係目前階段既愛情，其實都聽到一陣陣心酸。

呢段時間，就快聖誕節，不妨入啲歌詞比各位手足，等佢地唔好咁lonely Christmas 啦。

⛓⛓⛓⛓⛓⛓⛓⛓⛓⛓⛓⛓⛓⛓⛓⛓⛓
——【一釋尚存，同舟共濟】
#寫信師 #2021聖誕活動

08/12/2021

【🎅🏼聖誕買曲奇🍪】

聽到「上年完咗啦」就會好心傷；
被逼睇新聞播住愛國者治港同新移民受訪就會覺得好陌生；
好多感受我相信大家仲係相通，包括我為以下組織介紹嘅產品，必然有介紹嘅原因：

一釋尚存好想推薦以下三個禮盒俾你哋：
1）Cambice Cookie 🍪 鳯梨酥同曲奇禮盒🎁 $120
- 低糖曲奇/ 金鑽鳯梨酥：
- 雜錦曲奇 (12件)禮盒裝
味道: 蜜餞橙皮🍊、小山園焙茶🍵、美式咖啡☕️、藍莓芝士、三重熔岩朱古力、朱古力旋風
- 原味+Fresh版鳯梨酥 8件禮盒裝
- 全人手本地製作 • 香港製造🇭🇰 • 低糖少油Cambice Cookie 身負案件23年上庭🥲 一直唔賣黃嘅佢，好多時收入都係俾咗啲更有需要嘅人🥺
- 👉 訂購表 https://forms.gle/ED61X6BxxqL39rvW9

2）機場大叔埔民 x Mirai Bakery x 菓。紫龍 $198
- 作為一個出色嘅手joke同已完，大叔堅持社區工作同議員資格可以唔掛鉤。一釋尚存一直蒙受機場大叔照顧，好希望大家都知道有能力且有心力嘅被捕人士好罕見。香港有佢好幸運，請大家多多支持☺️
👉 訂購表 https://forms.gle/t8nxNoKHMhu9X51Z7

3）Mirai Bakery 聖誕禮盒套裝 $398/4罐 包郵
- 一個套裝有四罐，一罐有齊哂四隻味：士多啤梨、朱古力合桃、唧花牛油、抹茶
- 填form可以揀印任何星座!!
- 今次只會有黑白兩隻色嘅罐， 人馬、白羊、水瓶座比較特別會有兩幅圖
- 👉 訂購表： https://docs.google.com/forms/d/e/1FAIpQLSflP9jL9b-QBOeeD83ZQw-hAyuUvH436hoVH9BT6tu-1_egqA/viewform?usp=send_form

相信好多朋友仔喺度諗緊聖誕節買咩禮物俾朋友，不妨積極考慮吓本台建議🙂

⛓⛓⛓⛓⛓⛓⛓⛓⛓⛓⛓⛓⛓⛓⛓⛓⛓
——【一釋尚存，同舟共濟】
#2021聖誕禮物 #聖誕

26/11/2021

每一個在囚人士都好渴望收到大家嘅信🥺

【召喚寫信師，來R&N拎信紙！】

//「勿以善小而不為」
寫信看似未能爲牆內手足提供強大支援，卻能陪伴佢哋渡過黑暗。最近有大量手足因裁決罪成，希望大家可以成為一個陪伴者， 陪伴佢哋度過身陷囹圄的日子。//
轉自「毋鳴」
https://www.instagram.com/bugle_horn2019/

R&N從 一釋尚存｜𝟏 𝐑𝐞𝐥𝐞𝐚𝐬𝐞𝐝 入了一批由將囚、釋囚手足及同路畫師設計的精美信紙，歡迎來拎蛋糕或經過觀塘的朋友過來拎啊～

稜·支援 現正收集聖誕信件，12月5日截止，如果有興趣投寄聖誕信件嘅話，請Inbox 稜·支援了解更多詳情。

*信紙除沙咀外全部監房均可寄

—以下分享一篇「毋鳴」最近的文章—

「聽number收信，###xx-19」
每次聽到依句說話就知道收到回信，心裏都會有股暖流湧入，充滿住幸福。我相信每位曾經還押手足對依種感覺都唔陌生。收信對於牆內手足有著極大份量嘅意義。原因係每封信都代表住一份對牆內手足嘅支持。我當日得知自己還押後，身陷囹圄，心情猶如受到衝擊一樣，事隔幾天後收到好多朋友以及牆外手足嘅信，可以同收信人作一個心靈上的交流。對我而言，睇信與寫信可以將自己內心情感轉化爲文字，一個非常平靜 安心嘅環境下完成一封回信仲會有一份微少嘅喜悅。

在此我想分享一個自己嘅小經歷，在還押期間中有一日，我記得係上庭前一日，而當日亦有收到信。但我心情非常低落，全日只能目光呆濟，時不時望下天空咁度過，直到返回自己嘅囚房，我沉重地吸左口氣，最後決定回信。當手一執筆，眼淚就好似河水一樣沒有間歇地流。連信上內容都無睇，任由自己感受牽引，好似暴風一樣寫係信紙上。過左一陣，心情慢慢平復，我望去收到嘅信上，無意地細閱信上內容， 然而我再次流淚。這次心裏依然充滿住幸福，係信裏面比我感受到外面對我嘅支持，令我繼續有勇氣面對。所以，我會話如果寫信係精神寄託，收信就係愛嘅回應。俾牆內感受自己依然被關注同關心。所以寫信係一份極為強大嘅支援，係牆內外之間心與心聯繫。

作為一名曾經還押，曾經收信嘅人。我覺得只要將平常一啲開心或者有趣嘅事分享就可以。當然如果有心事都可以分享，我相信牆內亦會好樂意收到，因為咁樣心靈上嘅交流會更健康。如果信嘅內容有新聞元素，可以係新聞報道以外做補充或者將個人睇法寫低，令牆內更容易了解外面情況同交流。言簡意賅，將日常見到嘅花花草草或者微不足道嘅事做個記錄，對於牆內都係一封好有色彩嘅信。

「勿以善小而不為」寫信看似未能爲牆內手足提供強大支援，卻能陪伴佢哋渡過黑暗。最近有大量手足因裁決罪成，希望大家可以成為一個陪伴者， 陪伴佢哋度過身陷囹圄的日子。

- 毋鳴：https://www.instagram.com/bugle_horn2019/

—


#生日蛋糕 #客製蛋糕 #訂製蛋糕 #鮮花蛋糕 #造型蛋糕 #黃店 #黃色經濟圈 #蛋糕黃店 #幫襯黃店 #連豬蛋糕 #香港加油 #觀塘黃店 #觀塘蛋糕店 #寫信師 #在囚支援 #釋囚支援 #封信子 #毋鳴 #囚權 #稜支援 #一釋尚存 #在囚手足 #和你寫 #毋忘手足 #和你寄 #牆內手足 #勿以善小而不為

11/11/2021

【🎅🏼聖誕有卡有信又有愛⛄】

節日氣氛濃厚，對於在學嘅朋友仔黎講就係連續幾日都收唔到信嘅日子。呢批聖誕卡冇音樂聲響、冇金粉、冇立體剪裁。喺陰暗的生活當中，有人即使資源匱乏都會嘗試以色彩話俾香港人聽，佢哋知道我哋心連心☺️

【🎄在學人士聖誕卡️💌】
定價：$120/套（已包郵費）
聖誕卡詳情：一套6款連信封，每款2張共12張卡；摺埋之後A6尺寸；以上聖誕卡除咗第四幅兩張貓都係卡正面，大圖係正面，細圖係背面🙇🏻‍♂️

售賣詳情：
- 市集寄賣：27-28/11 荃灣白田壩街45號南豐紗廠M層The Annex
- 郵寄：填寫Google Form購買: https://forms.gle/cb9nUHinnhp7yrU58

無論寄去入面又好，寄出外面都好。心存信念🕯，即使聖誕寄語未必能夠成真，呢啲祝福始終都會入心🙂

✨如果啲令你諗起某個人嘅畫風，勿相認🥺🙏🏻

最後最後，希望所有睇到呢個post嘅朋友仔，買唔買都幫手share下，等我哋可以瘋狂牟取暴利🙇🏻‍♀️🙇🏻‍♂️

⛓⛓⛓⛓⛓⛓⛓⛓⛓⛓⛓⛓⛓⛓⛓⛓⛓
——【一釋尚存，同舟共濟】
#2021聖誕禮物 #聖誕卡
#一卡在手天下我有

08/11/2021

機場大叔出任何產品，第一時間支持😘

#香港有你更加美麗

18/10/2021

前蘋果記者又有高質平台推出🥰

【還柙人數再創新高 擴建收柙所等到2031年】

雖然我計數唔叻，但對於數字比較敏感。早排睇新聞，話2020年每日平均還柙人數創十年新高，有1962人。最近睇返懲教署公開數字，原來今年頭半年，每日平均還柙人數又破紀錄，高達2259人(https://reurl.cc/ARjD08)，較去年再增加約15%，當中有1879人係男性，381人係女性。

數字代表咩？最簡單意思係，還柙設施遠遠唔夠收容還柙人士。以關柙成年男性嘅荔枝角收柙所為例，院所可容納上限係1484人，但男性還柙人士有1879人(有少數係未成年人)，如果塞晒去荔枝角收柙所，會超出上限26.6%。而大欖女懲教所就係收容女性還柙人士和女性犯人，收容額有391人，假設院所無接收犯人，先僅僅夠容納所有女還柙人士。

當然，當局唔會任由逼爆收柙所情況發生，一般會分流還柙人士去其他監獄，例如赤柱監獄或羅湖懲教所。今年5月《東方日報》引述消息指，赤柱監獄現時羈留/監禁約1,400人當中，有600人係還押人士。如果消息屬實，反映赤柱監獄已經接收相當多還柙人士。而官方公開數據顯示，赤柱收容額係1511人，亦即係赤柱監獄都已經逼近容納上限。

懲教署今年已向城規會闖關，申請擴建荔枝角收柙所，預計可額外增加410人。計一計數，1484+410=1894人，都勉強夠現時男性還柙人數需要。但擴建需時，區議會文件顯示工程2023年動工，要2031年先完成。

唔知大家有冇印象，2000年代時候，政府曾建議喺喜靈洲填海興建一座超級監獄，可容納7220人，引起環保團體強烈反對，最後方案喺各方反對下擱置咗。無諗到10多年後香港，出現還柙人士太多，收柙設施太少情況。

＊補充一點，雖然還柙人士不斷增加，但近兩年整體囚犯數字仍然比起幾年前下跌，睇返2020年數據，其中一個原因係外籍、內地、澳門、台灣在囚人士數目減少，可能與疫情下封關，少咗其他國家/地區人士嚟香港，令罪案率亦減少咗。

#慳啲啦 #當年環團反對填海建超級監獄 #未來會重提方案嗎

12/10/2021

【懲教署打招呼方式】

最常見你一定知係good morning sir, good morning madam，但其實唔同環頭都係有唔同同呀sir講嘢既方式。

🏢|| PUCI 壁屋懲教所 ||🏢
呢到始終都有好多唔同身份就會比較混亂。點解我會話唔同身份就比較混亂呢，係因為還柙緊係未計定罪既，所以懲教都唔會過於管制你既身份。但已經判罪既係佢地眼中就係帶罪之身，就係要教化你既。所以就會有唔同對待方式，而呢啲對待方式就好大程度上影響住你點同呀sir溝通。

係PUCI你會叫啲唔識既做good morning sir就算，但你識既話就可以跟人叫達哥，峰哥之類，總之就似黑社會彼此之間咁稱呼就岩架啦。

一開始係差啲有啲呀sir會好鐘意叫人踎係到同佢講嘢，有啲又唔比望住佢講嘢，有啲又一定要望住佢，所以其實係真係好難捉摸，唔好太過介懷到底自己做得岩唔岩，只要記得大概呢個呀Sir想點，下次做返就可以啦。

🏢|| RC 更新中心 ||🏢
呢到就比較大分別，有啲呀sir就好唔鐘意見到第二個環頭文化出現。而打招呼方面就完全唔同啦，千奇唔好叫佢X哥，Y哥，叫X Sir, Y Sir，咁就會比較好。

係第一星期去到就緊係會比人落個下馬威啦，踎係度同佢地講嘢係必然架啦，比人鬧比人嘈都唔好太大反應，總之一切覆sorry Sir就可以解決曬所有問題啦。

之後一直落黎既日子，其實都一定要有「同sir報」呢個term係句嘢前面，有時唔記得都冇咩太大問題，但一定要儘快習慣下講嘢方式，唔好咁串，要好好態度同禮貌，咁都會係將來日子過得更加好。

—————————🏢—————————

PUCI = 壁仔(即壁屋細仔)，青少年嘅高防度監獄
RC = 勞教中心隔離既更新中心，同樣位於沙咀
PH = 豐力樓，當勞教/更新接受完訓練之後會到既地方，或有些需監禁較長刑期的，申請緩刑所住的中途院所

⛓⛓⛓⛓⛓⛓⛓⛓⛓⛓⛓⛓⛓⛓⛓⛓⛓
——【一釋尚存，同舟共濟】
#在囚 #青少年犯人

01/10/2021

【懲教白飯魚】
白飯魚梗係唔係食嗰啲啦，入面都冇白飯魚，如果係鄭中基出嘅都應該幾足料😂
還押每日我哋會有半個鐘頭放風，仲有多小小時間比你去沖冰火涼。冇落雨就有得打波，唔打波做運動嘅就去沖涼先，打波嘅就換衫褲鞋，件衫係藍色衫入面叫做藍燈籠，加條零彈性淺藍色短褲。

不過講到體育服對鞋先係重點，卡其色布綠色膠鞋底，
一開始入去好好奇點算操場咁多沙，多到一個點有風吹會有好多個小龍捲。坐咗半年終於知道啲沙係點嚟，原來係鞋底磨蝕嗰陣時甩出嚟。大家一定覺得我智商有低要用咁耐時間先諗到....
事源懲教署十年都唔換一次鞋，唔好話運動鞋，拖鞋十年都唔換一次。加上小弟覺得坐監都夠難捱，做要三十幾度做運動難捱自己？不了不了。
有次咁啱驚現完一次新鞋走去做下運動，嗰幾日操場啲沙多到沙漠咁先知。

新鞋好著？著咗三四日做運動跑步“櫈”到腳都痛，零避震。三四日後再跑步腳板底條筋好似撕裂開咁，真係好撚好撚痛。
去醫？佢真係幫你醫咩😂
做運動？小弟身子不弱但睇嚟隻腳唔捱得，都係不了🤣

⛓⛓⛓⛓⛓⛓⛓⛓⛓⛓⛓⛓⛓⛓⛓⛓⛓
——【一釋尚存，同舟共濟】