Terhim Manufacturering of food products PLC

06/06/2026

የምስጋና መልዕክት

ከተርሂም የምግብ ምርቶች ኃ.የተ.የግ.ማህበር

​ሰሞኑን በማምረቻችን አጋጥሞን በነበረው የናፍጣ አቅርቦት ችግር ምክንያት ያቀረብነውን ጥያቄ ተቀብለው፣ ችግራችንን ከልብ ተረድተው አፋጣኝ መፍትሄ ለሰጡን የንግድና ገበያ ልማት ቢሮ እና የሚመለከታቸው የመንግስት አካላት በሙሉ ልባዊ ምስጋናችንን እናቀርባለን።

​በውይይታችን ወቅት በነበሩብን የኮሚኒኬሽን (የመረጃ ልውውጥ) ክፍተቶች ላይ በግልጽ ተነጋግረን መግባባት ላይ የደረስን ሲሆን፣ የሚመለከታቸው ኃላፊዎችም ይህንን የነዳጅ አቅርቦት ችግር በቀጣይነት እና በዘላቂነት ለመፍታት የበኩላቸውን ጥረት እንደሚያደርጉ አረጋግጠውልናል።

​እኛም በበኩላችን ከተቋማቱ የተሰጡንን ገንቢ አስተያየቶች እና አቅጣጫዎች በሙሉ ልብ ተቀብለን፣ አሰራራችንን ለማስተካከል የተቻለንን ሁሉ ጥረት እናደርጋለን። በቀጣይም ምንም አይነት የምርት መቆራረጥ እንዳይኖር እና ለህዝባችን የምናቀርበውን የዳቦ ምርት ያለምንም መስተጓጎል ለማቅረብ ጠንክረን እንደምንሰራ ለደንበኞቻችን እና ለማህበረሰቡ ልናረጋግጥ እንወዳለን።

​ስላደረጋችሁልን ትብብር እና ላሳያችሁን አጋርነት በድጋሚ ከልብ እናመሰግናለን!

29/05/2026

ተርሂም የምግብ ምርቶች ኃላፊነቱ የተወሰነ የግል ማህበር

በዳቦ ማምረት ስራ ላይ ተሰማርተን ማህበረሰባችንን እያገለገልን እንገኛለን።
እንደሚታወቀው አብዛኛው በእኛም ሆነ በሌሎች ማምረቻዎች ውስጥ የሚገኙ ማሽኖች በናፍጣ የሚሰሩ ናቸው።
ከዚህ ቀደም የናፍጣ እጥረት በነበረበት አስቸጋሪ ወቅት፣ የንግድና ገበያ ልማት ቢሮ ላደረገልን ቀልጣፋ ድጋፍ እና አብሮነት ትልቅ ምስጋና አለን።

ያ እገዛ ስራችን ሳይስተጓጎል ለህዝብ የዕለት ጉርስ እንድናቀርብ አስችሎናል።
**አሁን ስላለው ተጨባጭ ችግር፦**
በአሁኑ ወቅት በብዙ ማደያዎች ናፍጣ በበቂ ሁኔታ ይገኛል።
ነገር ግን፣ እኛ ማምረቻ ተቋማት ናፍጣ ለመቅዳት ስንሄድ "ከንግድና ገበያ ልማት ፈቃድ ወይም የድጋፍ ደብዳቤ አምጡ" እየተባልን ይገኛል።
ይህንን ደብዳቤ ለማግኘት ደግሞ አሁን ላይ ሂደቱ በጣም ረጅም እና አሰልቺ ከመሆኑ የተነሳ ናፍጣ በማጣት የማምረት ሂደታችንን በእጅጉ እየጎዳው ይገኛል።
ምርቱ እያለ፣ ማሽኖቻችንን የምናንቀሳቅስበት ናፍጣ በቢሮክራሲ ምክንያት ማጣታችን እና ስራ መስተጒጎሉ በጣም የሚያሳዝን ነው።
**ስለሆነም፦**
የሚመለከተው የመንግስት አካል ይህንን ችግር በትኩረት አይቶ፣ እንደ ዳቦ ማምረቻ ያሉ ለማህበረሰቡ ቀጥተኛ አገልግሎት የሚሰጡ እና ለምግብ ዋስትና ወሳኝ የሆኑ ተቋማትን አሰራር ለይቶ በማቃለል፣ ናፍጣውን ያለ እንግልት የምናገኝበት አሰራር እንዲዘረጋልን በአክብሮት እንጠይቃለን።
የህዝብ አገልግሎት እንዳይስተጓጎል ፈጣን ምላሽ እንደምናገኝ ተስፋ እናደርጋለን

27/02/2026