06/03/2026
الكحك مش شوية سمنة ودقيق وخلاص ..
ده خبرة وفن وإختيار خامات مناسبة وتوظيفها صح في المنتج ..
وطريقة تشغيل وتسوية مظبوطة عشان نطلع كحك ناعم ومتماسك وطعم السمنة البلدي موجود فيه .. مافيهوش غلطة👌
بفضل الله أفضل كحك في مصر وتحدي 💪
وعشان العملاء بتوعي الحلوين .. ( هنبيع السنة دي بأسعار السنة اللي فاتت من غير ما نزود جنيه زيادة ) ❤️
تم فتح باب الحجز أونلاين في القاهرة
خصم خاص للشركات والكميات ✋
جميع المنتجات بالسمن البلدي الفلاحي مش التجاري
والزبدة النيوزلاندي الاصلية
#للناس اللي بتشتغل ربنا يرزقكم خدوا بقي شوية المعلومات دي وادعولي عليها 😊
كنز معلومات من الآخر وسر صنعة الكحك أحسن من أي محل في مصر 👌
الطرق كتير وكلها صح بس أنا بديكوا الخلاصة
#مهم جدا نوع الدقيق يكون ضعيف نسبة البروتين فيه ٧ ل ٩ ٪
وممكن دقيق لكل الأغراض للكحك والكوكيز فقط ونسبة البروتين فيه بتكون ١١٪
أما البسكويت والبيتي فور والسابليه يفضل الدقيق الضعيف وده هتلاقوه عند بتوع خامات الحلواني أو عطار كبير وبيتباع قطاعي عشان ده بيفرق في نعومة الكحك والبسكويت ومش بيطرد السمنة ولا الزبدة
#مهم جدا نوع السمنة تكون أصلية مش مخلوطة بسمنة صناعي أو شورتينج ( المخلوطة ) دايما هتلاقوها في درجة حرارة الغرفة بتجمد بسرعة وتحسوا إنها مرملة بزيادة أوي وحتى لو ريحتها قوية مش هتبان إلا بعد الشغل وبعد ما الكحك يبرد ويبات كمان .. وبلاش نحط ريحة الكحك عشان بتضيع ريحة السمن البلدي .. ممكن نحط محلب هيخلي الكحك أحلى
الناس اللي بتبيع بأسعار قليلة تخلط بنفسها متجبش حاجة خليط جاهزة وتشتغل نص ونص أو ٦٠٪ صناعي ويفضل جنة و٤٠ بلدي ويفضل حاجة محترمة حتى لو غالية
#مهم جداً التسوية تكون خفيفة يعني على ١٦٠ ربع ساعة او أقل عشان لو اتسوى زيادة هينشف والسمنة ريحتها هتقل
#مهم جداً نسوى الكحك المحشي ملبن أو عجوة أو عجمية على حرارة عالية ٢٠٠ مثلاً لغاية ما ياخد لونه عشان الحشوة متنشفش
#مهم جداً نشتغل بخميرة مش بيكنج بودر عشان ده مش بسكويت وربنا يا جماعة .. البودر بينفخها في الفرن وبيخليها هشة وناشفة
#مهم جداً نشتغل بسمنة فقط بلاش نخلطها بزبدة عشان ميطلعش ناشف وتحسوا إنكوا بتاكلوا قراقيش
#مهم جدا نشتغل على البارد ودي هيعترض فيها ناس كتيرة بس نصيحة مني أشتغلوا على البارد ( أولاً قدح السمنة بيغمق الكحك من جوة / ثانياً بتضطروا تزودوا ماء أكتر عشان تتماسك وتعرفوا تشكلوها وبالتالي بتنشف/ ثالثاً القدح بيظهر ريحة السمنة كمان وقت التشغيل فقط وبيقل بعد التسوية وبعد ما يبرد لأنكوا بتبخروا جزء منها وقت القدح
بالبلدي كده إكتموا السمنة وهي باردة في العجين وخلي الريحة زي ما هي تخش في العجين وهتظهر أكتر في التسوية وبعد ما تبرد
#ملحوظة : جميع المنتجات تصنيعي الخاص مش إعلان لمكان
💥تم فتح الحجز للقاهره فقط
الحجز والاستفسار واتس اب على الرقم التالي
01118474740
01034316634
أو على رسائل الصفحة
https://www.facebook.com/share/p/1BsskdSiGd/
