10/03/2025
ا لو هتعملي كحك يبقا لازم تقري البوست ده
🌷🌷 ركزي علشان تعرفي اسباب نجاح وأسباب فشل كحك العيد 🌷🌷وكمان انتظرى الفيديو بالتفصيل ❤️❤️
1-سبب دوبان الكحك ونعومته
يتركز فى كمية السائل المضاف بمعنى انك بتعملى مقدار الدقيق وتحطى نص المقدار سمن وبالرغم من ذلك بيطلع ناشف
عارفة ليه ؟؟لان نوع الدقيق غير مخصص وقبل معايا ميه كتير اكتر من النسبه اللي احنا متفقين عليها
وحضرتك كل متلاقي العجينه ناشفة شويه مكسله تعجني لحد متطري تقومي تزودى سوائل علشان تتطري
2-لو هتعملى كمية صغيرة ومش هتقعدكتير متقدحيش السمنة اوى يدوبك سيحيهابس تفك ومتسخنش الغرض من قدح السمنة ياجماعة ان اهالينا كانوا بيعملوا كميات كبيرة وبتقعد اكترمن شهر ،،
ولكن حتي لو تم قدح السمنه نسيبها تبرد يعني هنشتغل كلو بارد ف بارد لان حضرتك كونك تقدحي السمنه وتشتغلي سخن في سخن اول حاجتين ممكن يقابلوكي :: السمنه بترشح من الكعكه وفي نفس الوقت بتبوظي مفعول الخميره وبتتطلع مكتومه مبلطه
3-- قصة بقى اعجن بمية ولا لبن مش قضية خالص وانتى حسب راحتك ولكن الافضل ماء علي لبن لان اللبن لوحده ممكن يطلع قلبها طري لو مكنش عندك خبره في التسويه
4-ياخبر نسيت اضيف ريحة كحك اعمل ايه هيبوظ كدا لا حضرتك عادى ريحة الكحك دى مجرد توابل بتدى له رائحه مميزه ليس الا
5- سر نجاح الكحك متضيفيش اى سائل غير اللى احنا اتفقنا عليه 200مل علي كيلو الدقيق
6- الكحك مش بيطلع دايب مع انك التزمتى بالمقادير حرفيا !!!!
اقولك ايه السبب انك كسلتى ومش بستيه كويس لازم تبسى الكحك بايدك بعد ما تضيفى له السمن ابدئ بسى الكحك بايدك ربع ساعة
7-الكحك حلو بس الحشو ناشف
سواء عجوة او ملبن عجمية !!!
لانك سيبتيه مدة كبيرة فى الفرن فالسوايل اللى فيه اتبخرت والملبن والعجمية نشفت المفروض اصلا العجوه بنعجنها بميه وشويه سمنه علشان تضبط معاكي في الحشو ودي طريقه صحيحه متقلقيش،،
اماالملبن اي ملبن غامق بلاش تشتريه لانه بيكون واخد تسوية زياده من المصنع و يبوظلك الوصفه المفروض الملبن يكون ابيض مش غامق غير كدا الملبن لازم قبل الحشو تدعكيه علي الرخامه ويطرى
8-فى التسوية تاخدى بالك من حاجة لو الكحك سادة يبقى هنقلل الحرارة شوية علشان يستوى براحته يعنى ممكن 160
لو محشى هيكون على 180 ليه بقى؟ علشان السادة عاوزينه يستوى من جوه وبره كويس اماالمحشى فبيكون سمك العجينة رفيع ومش عاوزينه يقعدمدة كبيرة علشان النار متطولش الحشو ينشف
لو وصلتى معايا لحد هنا متنسيش تدعمينى بالمتابعة للصفحة ♥️ ولايك وشير للبوست 🌹 وصلي على النبي ودعيلي دعوه حلوه وليكي بالمثل وزيادة
