Lina Cakes

18/12/2025

Moroccan msamen

10/11/2025

23/03/2025

I want to give a huge shout-out to my top Stars senders. Thank you for all the support!

Arnel Wolf

20/03/2025

20/03/2025

Hi everyone! 🌟 You can support me by sending Stars - they help me earn money to keep making content you love.

Whenever you see the Stars icon, you can send me Stars!

17/03/2025

رمضان

18/10/2024

اذا عندك مشكل او فضفضة ، تواصلي معنا

17/10/2024

سلام عليكم، بغيت نشارك معكم مشكلتي حيث كنعيش مع راجلي 12 سنة وعايشين مع وليدات. فين ما نخرج معاه، كنحس براسي مريضة. راجلي كيكون كيشوف فالبنات اللي غلاضات، وهادشي كيخليني نعيش فتوتر
كنحس براسي كنفقد الثقة في نفسي، حيث مع مرور الوقت، كنبان لي أنه كينسا راسو. دابا منين نهدرو، كنبدا نغوت وندير حرب كلامية، وكنقطع ليه الهضرة. بعد 15 يوم، كيبان لي أنه كيتأثر بي وكنقول في راسي، "نتي مريضة فيك الوسواس."
بغيت شي حل، ماشي غير هضرة تكمل عليا، حيت كنفكر فصحتني وكنحس براسي كتمشي من لداخل.

17/10/2024

#رسائلكم

البنات لقيت راجلي كيخونّي مع وحدة مزوجة وعندها ثلاث بنات. دابا عندو عام وهو معاها، وهي خدامة عندو فالمشروع ديالو. مني عرفت الحقيقة، قالي غادي يطلقها من راجلها باش يتزوج بيها. عندي المساجات اللي بينهم وكلشي بالدليل، وهي ما بغاتش تعترف وكتحاول تبان ضحية. دابا أنا في مشاكل معاه وولادي صغار مساكين، وفكرت نطلق منو. شنو رأيكم فحالتي؟ شنو ندير؟

17/10/2024

السلام عليكم، ممكن ناخد رأيكم فمشكلتي؟ هادي أول مرة نكتب هنا. أنا عندي 24 عام، متزوجة من جوج سنين ونص، ودابا عندي وليد عندو 3 شهور. دابا رافعة دعوى ديال الخلع باش نتطلق، حيث راجلي ضحك عليا. صبرت معاه حتى شرا الدار، ومن بعد ما شراها، اكتشفت أنه كتبها باسم مو، حيث كيسمع كلامها فكلشي. مع أنه كان حارمنا من الماكلة والشرب باش نوفرو فلوس الدار.

المهم، طلبت الطلاق ورجعت لدار بّا، وهو ما سولش فيا نهائياً، ولا حتى فابنو. أنا ملي خليت الدار كان بسبب أنه ضربني وانا مزال والدة، حيث قلت ليه علاش كتكتب الدار باسم مو؟ واش ماشي حرام عليك؟ راك عندك ولد، واش انا غلطانة؟ لأنه من بعد عمر طويل ديال مو، الدار غادي تولي ورث ليه ولخوتو، وماشي شي حد غادي يخلي حقو فديك الساعة. يعني أنا ولا ولدي غادي نبقاو قاعدين عندهم. واش فاهمني؟

المهم، من بعد ما طلبت الطلاق، بّاه كلمني وقال لي: "إيلا بغيتي الطلاق، خصك تتنازلي على جميع حقوقك، وبالنسبة لولدك، ما غاديش نخلصو ليه غير 1000 درهم." فالأول وافقت، ولكن من بعد حسيت بلي كيبغيو يذلوني، ومن بعد رجعت فقراري وقلت ليهم ما غاديش نتنازل، وغادي ندير الخلع ونطالب بالقايمة ديالي.

بغيت نعرف واش أنا غلطانة؟ وإيلا كنت غلطانة، كان خاصني ندير شنو؟ سمحوا ليا إلا طولت.

16/10/2024

مشكل عضوة :

السلام عليكم، الله يجازيكوم بخير، أنا مطلقة عندي 38 عام وعندي 3 دراري، مطلقة دابا 6 سنين. كنت ساكنة فدار العائلة ولكن فشقة بوحدي، أنا يتيمة ومن مدينة أخرى يعني ماعنديش حد هنا. من بعد الطلاق حمايا جاب لي شقة برا وقعدت فيها أنا وولادي، وحمايا ما مقصرش معانا ودايما كيتابعنا فكلشي. طليقي طبعاً تزوج وجاب مراتو تسكن بلاصتي فدار العائلة.

أنا تعرفت على واحد وبدينا نهضرو مدة، ولكن أنا كنت كندغط عليه باش يتزوجني، وفالأخير سد عليا وحيدني من الكونتاكت من بعد ما صرفت عليه وعاونتو، ملي قلت ليه نتزوجو ولا رجع لي فلوسي، سد عليا وغير النمرة ديالو، ودابا عندي مدة ماقدرتش نوصل ليه.

المهم، دابا حيث كنت ساكنة فدار العائلة، خوت طليقي كلهم كانوا كيعتابروني أختهم، ومن بينهم واحد عندو 33 عام وكان عندو مشاكل مع مراتو ودايما كيهضر معايا عليها حتى من بعد طلاقي. ومن بعد مدة، بدينا كنقربو لبعضنا، وحيث كنت عارفة مشاكيلو مع مراتو، كنت كندير عكسها وكندير كلشي اللي كيبغيه من اهتمام وحنان وكنت مركزة معاه فكل تفاصيل حياتو. حتى حبني وما بقاش يقدر يعيش بلا بيا وكره مراتو ولكن بقى معاها غير على قبل الدراري.

وأنا والله حتى حبيتو حيت جا من بعد جوج تجارب ديال الفشل، الطلاق ديالي من أخوه والواحد الآخر اللي خدا مني الفلوس وهرب. كان كييجي مع حمايا باش يشوف الولاد، ومن بعد بدا كييجي بوحدو. ملي وقع اللي وقع بيناتنا، قلت ليه ما يجيش بوحدو مرة أخرى. دابا بغا يتزوجني وكل طلباتي مجابة ولكن بشرط نتزوجو فالسر، حيت ما باغيش يطلق مراتو وما باغيش ولادو يتأذو، حيت إيلا عرفات بالزواج غادي تطلب الطلاق وتصمم عليه، خصوصا إيلا عرفات بلي تزوج بيا أنا بالذات.

ولكن أنا رفضت، حيت بغيت طليقي يعرف بالعلاقة ديالنا ويندم عليا ويعرف بلي مازال مرغوبة وحتى من أقرب الناس ليه، ويعرف بلي ملي خسرني خسر حاجة كبيرة بزاف وما تتعوضش، وبتيجي فالعمر غير مرة واحدة.

16/10/2024

رسالة للصفحة تقول :انا مزوجة غير 6 شهور، وراجلي كان فمو عامر ريحة خايبة، ملي قلتها ليه قالي عندي ضرسي مسوس، قلت ليه سير نحيه وتهنى، ولكن الريحة بقات. واحد النهار شدّيتو كيدير الكالة وما قالهاش ليا من قبل. ملي شدّيتو قلت ليه: "والله ما كتحشم، إلى كنت عارفة كدير هدشي والله ما نتزوجك." جاوبني: "إلى ما كنتش كندير الكالة ما كنتش نتزوج بيك." دابا قلت ليه: "ما غاديش نخليك تبوسني حتى تحبسها وتنقي فمك." ومن داك الوقت ما بقيتش نخليه يقرب ليا، وبدا كيعنفني زكارة، كيقول لي: "أنا راجلك، خاصك تتحملي كلشي وتسكت." كلما قرب ليا كنحس راسي بغيت نتقيا وقلبي طالع فحل يخرج من بلاصتو. أنا دابا عيانة وما بغاش يحبس الكالة. فمو ديما بحال شي فار ميت. كنخمم فالطلاق. الله يخليكم البنات، اللي راجلها كيدير هاد الموصيبة تقول لي كيفاش كتتعامل معاه، أنا ما بقيتش قادرة نتحمل😭😭🤢🤮.